Լուրեր
«Ուժեղ Հայաստան»-ի կին անդամներին ձերբակալել են. Գոհար Մելոյանը մանրամասներ է հայտնում
Իրավապաշտպանը նշում է, որ ձերբակալված կանայք մանկահասակ երեխաներ ունեն և նման խիստ միջոցի կարիքը չկար
Today News
14.04.2026 21:00
Իրավապաշտպան Գոհար Մելոյանն անդրադարձել է «Ուժեղ Հայաստան» կուսակցության կին անդամների աղմկահարույց ձերբակալություններին։ Նրա խոսքով՝ կիրառված միջոցառումները չափազանց խիստ են ու անհամաչափ՝ հաշվի առնելով կանանց ընտանեկան դրությունը։
«Գործընկերուհիներս երկուսն էլ մանկահասակ երեխաների մայրեր են։ Իրականում հարկ չկար նման ծայրահեղ միջոցառումների դիմելու»,- նշել է Մելոյանը՝ շեշտելով, որ իրավիճակը մտահոգիչ է և իրավական տեսանկյունից հարցեր է առաջացնում։
Հիշեցնենք, որ վերջին ժամերին իրավապահները գործողություններ են իրականացրել կուսակցության անդամների նկատմամբ, ինչը մեծ արձագանք է գտել հասարակական-քաղաքական շրջանակներում։ Փորձագետները սա որակում են որպես քաղաքական ճնշման դրսևորում։
Աղբյուր՝ YerevanTodaynews
Share:
