Թրամփը նորից Իրանին է «կպել». այս անգամ թիրախում Հորմուզի նեղուցն է

Դոնալդ Թրամփը հերթական անգամ խիստ զգուշացում է հղել Թեհրանին։ Այս անգամ ամերիկյան առաջնորդի ուշադրության կենտրոնում է հայտնվել Հորմուզի նեղուցը։

Ըստ Թրամփի՝ իրեն տեղեկություններ են հասել, որ Իրանը վճար է գանձում այնտեղով անցնող տանկերներից։ «Նրանք չպետք է դա անեն, իսկ եթե անում են, ապա պետք է անմիջապես դադարեցնեն»,- հայտարարել է նա։

Հիշեցնենք, որ սա Թրամփի առաջին կոշտ հայտարարությունը չէ Իրանի հասցեին վերջին ժամերին. ավելի վաղ նա ասել էր, թե Իրանը փաստացի բանակ չունի և ստիպված է լինելու ընդունել Վաշինգտոնի պայմանները։