Զգույշ եղեք․ վաղը Իսակովի պողոտան փակ է լինելու, սպասվում է նաև ցրտահարություն

Ապրիլի 14-ին՝ առավոտյան ժամը 06:30-ից, Իսակովի պողոտան Արմավիրից Երևան ուղղությամբ փակ է լինելու։ Ճանապարհային դեպարտամենտից հայտնում են, որ երթևեկությունը կազմակերպվելու է հանդիպակաց գոտով։

Բացի այդ, սպասվում է եղանակի կտրուկ սառեցում։ Շրջակա միջավայրի նախարարության տվյալներով՝ լուսադեմին Արմավիրի, Արարատի մարզերում և Երևանում հողի մակերևույթին հնարավոր է -1․․․-2 աստիճան ցուրտ։

Նախալեռնային գոտիներում՝ Արագածոտնում և Կոտայքում, օդի ջերմաստիճանը նույնպես կարող է իջնել մինչև -2 աստիճան։ Գյուղատնտեսներին հորդորում են զգոն լինել։