Լուրեր
Ծեծկռտուք Էրեբունիում. ավտոբուսի վարորդին «Nissan»-ով հետապնդել ու հարվածներ են հասցրել
74 համարի ավտոբուսի մեջ սկսված վեճը վերածվել է խմբակային հարձակման. երեք հոգի ձերբակալված են։
Today News
13.04.2026 17:45
Էրեբունի վարչական շրջանում իսկական «բոևիկ» հիշեցնող դեպք է տեղի ունեցել։ Ապրիլի 8-ին 74 համարի ավտոբուսում ուղևորների միջև վեճ է սկսվել, որին միջամտել է վարորդը՝ փորձելով հանդարտեցնել իրավիճակը։ Սակայն դա դուր չի եկել «կողմերին»։
Քիչ անց, երեք տղամարդ «Նիսան» մակնիշի մեքենայով փակել են ավտոբուսի ճանապարհը, ներխուժել սրահ ու սկսել վիճել վարորդի հետ։ Նրանցից մեկը նույնիսկ ավտոբուսի բանալին է խլել ու շպրտել վարորդի վրա՝ վնասելով նրան։
Ամեն ինչ դրանով չի ավարտվել. վարորդին դուրս են կանչել ու սկսել ձեռքերով ու ոտքերով հարվածել։ Ոստիկանությունը հայտնում է, որ երեքն էլ արդեն ձերբակալված են, նախաձեռնվել է քրեական վարույթ խուլիգանության հատկանիշներով։
Աղբյուր՝ MakaryanVahe
Share:
