Լուրեր
«Ռուսաստանի թիկունքում ոչինչ չենք անում». Փաշինյանը՝ հարաբերությունների ու նոր Սահմանադրության մասին
Վարչապետը խոսել է ՌԴ-ի հետ «կառուցողական տրանսֆորմացիայի» և Սահմանադրությունը միայն հանրաքվեով փոխելու մասին։
Today News
9.04.2026 09:00
Վարչապետ Նիկոլ Փաշինյանն այսօր մի շարք կարևոր հայտարարություններ է արել՝ անդրադառնալով թե՛ արտաքին քաղաքականությանը, թե՛ ներքին բարեփոխումներին։ Ըստ նրա՝ Հայաստան-Ռուսաստան հարաբերությունները հիմա «կառուցողական տրանսֆորմացիայի» փուլում են, և Երևանը մտադիր չէ որևէ քայլ անել Մոսկվայի թիկունքում։
«Մենք բարեկամական երկխոսության տրամաբանությունից դուրս չենք գալու»,- նշել է Փաշինյանը՝ հավելելով, որ Պուտինի հետ հանդիպումը չի տապալվել, իսկ իր ասածները եղել են նախկինում հնչեցրած մտքերի շարունակությունը։
Խոսելով տարածաշրջանային կոմունիկացիաների մասին՝ վարչապետը հայտնել է, որ Ղազախստանը մեծ հետաքրքրություն ունի Հայաստանով անցնող տարանցիկ ուղիների (TRIPP) նկատմամբ։ Իսկ ինչ վերաբերում է ներքին օրակարգին, Փաշինյանը շեշտել է՝ նոր Սահմանադրությունն ընդունվելու է բացառապես համաժողովրդական հանրաքվեի միջոցով. «Սահմանադրության մեջ որևէ փոփոխություն կարող է անել միայն ժողովուրդը»։
Աղբյուր՝ twentyfournews, RadarARM, tertammedia, arajinTV
Share: