Լուրեր
Ջեյ Դի Վենսը պարզաբանել է՝ ինչու Լիբանանը չի ներառվել հրադադարի մեջ
ԱՄՆ փոխնախագահը հայտարարել է, որ Թեհրանի հետ «թյուրըմբռնում» է եղել, և Վաշինգտոնը նման խոստում չի տվել
Today News
8.04.2026 21:45
ԱՄՆ փոխնախագահ Ջեյ Դի Վենսը պարզաբանումներ է ներկայացրել Իրանի հետ բանակցությունների վերաբերյալ։ Նրա խոսքով՝ Վաշինգտոնի և Թեհրանի միջև «հիմնավոր թյուրըմբռնում» կա, քանի որ ԱՄՆ-ն երբեք չի խոստացել, որ Լիբանանը կներառվի հրադադարի համաձայնության մեջ։
«Կարծում եմ՝ իրանցիները կարծում էին, որ հրադադարը ներառում է նաև Լիբանանը, բայց դա այդպես չէր։ Մենք երբեք այդ խոստումը չենք տվել»,- նշել է Վենսը՝ հավելելով, որ համաձայնությունը կենտրոնացած է Իրանի և Ամերիկայի դաշնակիցների՝ Իսրայելի ու Պարսից ծոցի երկրների հարաբերությունների վրա։
Ըստ փոխնախագահի՝ այս իրավիճակը ստեղծվել է «անբարեխիղճ քարոզչության» հետևանքով։ Ի դեպ, այս հայտարարությունից հետո Ջեյ Դի Վենսը կնոջ՝ Ուշա Վենսի հետ ավարտել է այցը Հունգարիա և վերադարձել Վաշինգտոն։
Աղբյուր՝ arajinTV
Share:
