Իրանն ու ԱՄՆ-ն «լեզու չեն գտնում». Թեհրանը մեղադրում է Վաշինգտոնին պայմանները խախտելու մեջ

Այսօր Իրանի խորհրդարանի խոսնակը հայտարարել է, որ ԱՄՆ-ն կոպտորեն խախտել է բանակցային առաջարկի երեք կարևոր կետ։ Խոսքը վերաբերում է Լիբանանում հրադադարին, Իրանի օդային տարածքի անձեռնմխելիությանը և Իսլամական Հանրապետության՝ ուրանը հարստացնելու իրավունքին։

Ի՞նչ է կատարվում իրականում։ Թեհրանը պնդում է, որ իրենց իրավունքները ոտնահարվում են, մինչդեռ ԱՄՆ փոխնախագահ Վենսը հայտարարել է, որ իրենք պատրաստ են վերանայել ուրանի հարստացման վերաբերյալ խիստ պահանջները։ Բայց կա մի «բայց»՝ Իրանը պետք է դրական ու կառուցողական բանակցություններ վարի։

Հիշեցնենք, որ տարածաշրջանում լարվածությունը շարունակում է մնալ բարձր, հատկապես Բեյրութում տիրող իրավիճակի ֆոնին, որտեղ հրադադարի հարցը դեռ օդում կախված է։