Էրդողանը սպառնում է Իսրայելին, իսկ Թուրքիայում դպրոցի վրա հարձակում է եղել

Թուրքիայի նախագահ Ռեջեփ Թայիփ Էրդողանը հերթական սուր հայտարարությունն է արել Իսրայելի հասցեին։ Նա սպառնացել է ռազմական գործողություններ սկսել, ինչը կարող է էլ ավելի մեծացնել լարվածությունը Մերձավոր Արևելքում։

Մինչ Էրդողանը զբաղված է արտաքին քաղաքական սպառնալիքներով, հենց Թուրքիայի ներսում արյունալի դեպք է գրանցվել։ Շանլըուրֆա նահանգի միջնակարգ դպրոցներից մեկում զինված հարձակում է տեղի ունեցել։ Նախնական տվյալներով՝ կա յոթ վիրավոր։ Ոստիկանությունը պարզում է հարձակման դրդապատճառները։