Բավրայի մոտ ուժեղ երկրաշարժ է եղել. ցնցումները զգացվել են Շիրակում ու Լոռիում

Քիչ առաջ՝ տեղական ժամանակով ժամը 22:44-ին, Հայաստան-Վրաստան սահմանային գոտում՝ Բավրա գյուղից 17 կմ հյուսիս-արևելք, 3.3 մագնիտուդով երկրաշարժ է գրանցվել։

ՆԳՆ Սեյսմիկ պաշտպանության տարածքային ծառայության տվյալներով՝ օջախը գտնվել է 10 կմ խորության վրա։ Էպիկենտրոնային գոտում ստորգետնյա ցնցման ուժգնությունը կազմել է 4-5 բալ:

Երկրաշարժն զգացվել է Շիրակի մարզի Բավրա, Սարագյուղ, Ղազանչի, Աշոցք գյուղերում, ինչպես նաև Լոռու մարզի Պաղաղբյուր և Նորամուտ գյուղերում՝ 3 բալ ուժգնությամբ: