Ողբերգական ավտովթար Շիրակում. 5 զոհ, 3 երեխա տեղափոխվել է հիվանդանոց

Շիրակի մարզում այսօր սարսափելի ավտովթար է տեղի ունեցել։ Արմավիր-Գյումրի ավտոճանապարհին՝ Աղին բնակավայրի մոտակայքում, իրար են բախվել BMW և Opel մակնիշի ավտոմեքենաները։

Դեպքի վայրից ստացվող տեղեկությունների համաձայն՝ հարվածն այնքան ուժգին է եղել, որ մեքենաները կողաշրջվել են։ Ցավոք, վթարի հետևանքով ունենք 5 զոհ։ Եվս երեք երեխա տարբեր աստիճանի վնասվածքներով շտապ տեղափոխվել են բժշկական կենտրոն։

Դեպքի վայրում աշխատել են ՆԳՆ ՓԾ հրշեջ-փրկարարական ջոկատները։ Ոստիկանությունը պարզում է պատահարի բոլոր մանրամասները։