«Հեռո՛ւ պահեք ձեր պիղծ ձեռքերը Եկեղեցուց». կոշտ հայտարարություն իշխանություններին

Հայոց եկեղեցու պահպանության համահայկական խորհուրդը հանդես է եկել խիստ հայտարարությամբ՝ ուղղված գործող իշխանություններին։ Նրանք պահանջում են անհապաղ դադարեցնել պետական ապարատի միջոցով Եկեղեցու դեմ տարվող «լկտի ահաբեկչությունն ու միջամտությունը»։

«Դուք չե՛ք ստեղծել այս Եկեղեցին, որ դուք էլ ձեզ իրավունք վերապահեք այն քանդել»,- նշված է հայտարարության մեջ։ Խորհուրդը նաև պահանջել է նախընտրական ծրագրերից հեռացնել այն բոլոր դրույթները, որոնք թիրախավորում են հոգևոր իշխանությունը։