Իսրայելական ԱԹՍ-ն հարվածել է Կարմիր խաչին. Լիբանանում բուժաշխատող է զոհվել

Լիբանանում իրավիճակը շարունակում է մնալ ծայրահեղ լարված։ Իսրայելական անօդաչու թռչող սարքը հարված է հասցրել Լիբանանյան Կարմիր Խաչի բրիգադին։

Կազմակերպության տարածած հայտարարության համաձայն՝ հարձակման հետևանքով մեկ բուժաշխատող զոհվել է, ևս մեկը ստացել է տարբեր աստիճանի վիրավորումներ։ Սա հերթական դեպքն է, երբ հակամարտության գոտում թիրախավորվում են մարդասիրական օգնություն ցուցաբերող խմբերը։