«Յուվենտուսի» ակադեմիան շուտով պատրաստ կլինի. նախարարն այցելել է շինհրապարակ

ԿԳՄՍ նախարար Ժաննա Անդրեասյանը հետևել է Հայաստանում «Յուվենտուսի» ֆուտբոլային ակադեմիայի կառուցման ընթացքին։ Սա իրոք լուրջ քայլ է մեր ֆուտբոլային ենթակառուցվածքների զարգացման համար։

Նախարարը տեղում ծանոթացել է շինարարական աշխատանքներին ու նշել, որ նմանատիպ միջազգային բրենդների մուտքը Հայաստան նոր շունչ կտա մեր սպորտային կյանքին։ Ակադեմիան հնարավորություն կտա հայ պատանիներին մարզվել եվրոպական չափանիշներով ու հասնել մեծ հաջողությունների: