Լուրեր
Իրանի շուրջ օղակը սեղմվում է. Թրամփը հաստատել է շրջափակումը, ավիակիրն արդեն ափերի մոտ է
Մինչ Թրամփը խստացնում է պատժամիջոցները, լուրեր են պտտվում Իսլամաբադում հնարավոր գաղտնի բանակցությունների մասին
Today News
13.04.2026 19:45
Իրանի շուրջ իրավիճակը գնալով ավելի է լարվում։ ԱՄՆ նախագահ Դոնալդ Թրամփը պաշտոնապես հաստատել է, որ Իրանի ծովային շրջափակումն արդեն ուժի մեջ է մտել։ Սա նշանակում է, որ Վաշինգտոնը փորձելու է լիովին մեկուսացնել Թեհրանին ծովային ճանապարհով։
Զուգահեռաբար, ռազմական ներկայությունն ավելի է ընդգծվում։ Ամերիկյան USS Abraham Lincoln ավիակիրը մտել է Օմանի ծոց և գտնվում է Իրանի ափերից ընդամենը 200 կիլոմետր հեռավորության վրա։ Սա առաջին դեպքն է, երբ ամերիկյան նավը այսքան մոտենում է Պարսից ծոցին ռազմական գործողությունների սկզբից ի վեր։
Չնայած այս ռազմատենչ քայլերին, դիվանագիտական խողովակները դեռ լիովին փակված չեն։ Ըստ հաղորդումների՝ հինգշաբթի օրը Իսլամաբադում կարող է տեղի ունենալ Իրանի և ԱՄՆ-ի միջև ուղիղ բանակցությունների երկրորդ փուլը։
Աղբյուր՝ twentyfournews, tertammedia
Share:
