Իրանը պատրաստ է. Թեհրանը հայտարարում է հրթիռների ու ԱԹՍ-ների հսկայական պաշարների մասին

Իրանի պաշտպանության նախարարությունը հանդես է եկել ռազմաշունչ հայտարարությամբ։ Պաշտոնական Թեհրանը հայտարարում է, որ երկիրն արդեն կուտակել է անհրաժեշտ քանակությամբ հրթիռներ և անօդաչու թռչող սարքեր՝ հետագա ռազմական գործողությունների համար։

Իրանի ՊՆ ներկայացուցիչ Ռեզա Թալայինիկը նշել է, որ ռազմավարական պաշարները լիովին ապահովված են։ Ըստ նրա՝ սպառազինությունը թույլ կտա իրականացնել թե՛ արդյունավետ հարձակողական և թե՛ պաշտպանական գործողություններ՝ հակառակորդին ջախջախելու նպատակով։

«Մեր հնարավորությունները թույլ են տալիս շարունակել պայքարն այնքան ժամանակ, որքան անհրաժեշտ կլինի»,- հավելել է պաշտոնյան՝ շեշտելով, որ ԱՄՆ-ի հետ խաղաղության համաձայնագրի բացակայության ֆոնին սա առաջնահերթություն է։