Իրան-ԱՄՆ հրադադարը «մազից է կախված». Արաղչին վերջնագիր է ներկայացրել

Իրանի և ԱՄՆ-ի միջև ձեռք բերված փխրուն հրադադարը լուրջ վտանգի տակ է։ Իրանի արտգործնախարար Աբբաս Արաղչին բավականին կոշտ է արտահայտվել՝ նշելով, որ «գնդակը հիմա ԱՄՆ-ի դաշտում է»։

Ըստ նախարարի՝ Ամերիկան պետք է վերջնական կողմնորոշվի. հնարավոր չէ միաժամանակ և՛ հրադադար պահպանել, և՛ Իսրայելի միջոցով շարունակել պատերազմը։ Իրանագետներն արդեն իսկ ահազանգում են, որ իրավիճակը ցանկացած պահի կարող է դուրս գալ վերահսկողությունից։

«Աշխարհը հետևում է Լիբանանում տեղի ունեցող սպանություններին։ Երկու տարբերակը համատեղելն անհնար է»,- շեշտել է Արաղչին։