Գիշերային ասֆալտապատում Երևանում. որ փողոցներն են լինելու փակ

Երևանի քաղաքապետարանը տեղեկացնում է, որ մայրաքաղաքում մեկնարկել են փողոցների միջին նորոգման աշխատանքները։ Խցանումներից խուսափելու համար աշխատանքներն իրականացվում են գիշերային ժամերին։

Մասնավորապես, Սարյան և Տիտոգրադյան փողոցներում աշխատանքները սկսվում են 21:30-ից։ Այսօրվանից նորոգում կսկսվի նաև Բուզանդ փողոցի մի հատվածում (Անտոն Քոչինյանից մինչև Աբովյան խաչմերուկ)՝ ժամը 22:30-ից մինչև առավոտյան 07:00-ն։