Թուրքիան ու Ադրբեջանը ողջունում են ԱՄՆ-Իրան հրադադարը

Իրանի շուրջ ստեղծված լարվածության ժամանակավոր թուլացումը դրական արձագանք է ստացել հարևան երկրների կողմից։ Թուրքիայի ԱԳ նախարար Հաքան Ֆիդանը նշել է, որ Անկարան գոհ է ձեռք բերված համաձայնությունից և կշարունակի ջանքերը խաղաղության համար։

Միաժամանակ Ադրբեջանի նախագահ Իլհամ Ալիևը շնորհավորական ուղերձ է հղել Իրանի նախագահին՝ ԱՄՆ-ի հետ հրադադարի հասնելու կապակցությամբ։ Հիշեցնենք, որ Իրանում զինադադարի լուրը տարածվել էր այսօր առավոտյան։