Չես վճարո՞ւմ, տրանսպորտը չի շարժվի. Երևանում նոր «մեթոդներ» են առաջարկում

Երևանում տրանսպորտի վճարումների հետ կապված իրավիճակը գնալով սրվում է։ Նոր հնչող կոչերի համաձայն՝ վարորդներին ու պատասխանատուներին հորդորում են լինել ավելի վճռական։ «Հերի՛ք եղավ, բո՛լ եղավ»,- ասվում է հրապարակված տեսանյութերում։

Առաջարկը պարզ է՝ եթե ուղևորը չարամտորեն հրաժարվում է վճարել սահմանված սակագինը, ապա վարորդը պետք է պարզապես կանգնեցնի տրանսպորտը և պահանջի՝ կա՛մ վճարել, կա՛մ իջնել։ Ըստ նախաձեռնողների՝ սա միակ տարբերակն է կարգուկանոն հաստատելու համար։