«Զորի Բալայանը դարակազմիկ երևույթ է». Երևանում մեծարում են գրողին ու հրապարակախոսին

Երևանում այսօր անդրադարձել են հայտնի գրող, հրապարակախոս և հասարակական գործիչ Զորի Բալայանին։ Գործընկերներն ու մտավորականները նրան բնութագրում են որպես բացառիկ նվիրված մարդու, ով իր ողջ կյանքը նվիրել է հողին ու հայրենիքին։

«Քչերն են, որ իր նման նվիրված են հողին, ազգին ու հայրենիքին»,- նշել են նրա կոլեգաները՝ հիշեցնելով Բալայանի դերը Արցախի ժողովրդի ինքնորոշման հարցը միջազգային հարթակներում բարձրացնելու գործում։ Նրան անվանել են «դարակազմիկ երևույթ», ում գործունեությունը մեծ հետք է թողել հայոց նորագույն պատմության մեջ: