Զգուշացում. առաջիկա գիշերը սպասվում է ցրտահարություն

Շրջակա միջավայրի նախարարությունը տեղեկացնում է, որ ապրիլի 14-ի լուսադեմին Հայաստանի մի շարք մարզերում հնարավոր է ցրտահարություն։

Մասնավորապես, Արմավիրի և Արարատի մարզերում, ինչպես նաև Երևանում, օդի ջերմաստիճանը կլինի 0-ին մոտ, իսկ հողի մակերևույթին կարող է հասնել -1․․․-2 աստիճանի։

Ցուրտ է լինելու նաև Արագածոտնի և Կոտայքի նախալեռնային գոտիներում։ Գյուղացիներին ու այգեպաններին խորհուրդ է տրվում զգոն լինել և հետևել ջերմաստիճանի տատանումներին։