«Տնաշեննե՛ր, էս ի՞նչ եք արել». Փաշինյանը դժգոհել է դպրոցի մարզադահլիճից

Վարչապետ Նիկոլ Փաշինյանն այսօր այցելել է Նոր Հաճն համայնքի Մրգաշեն բնակավայր, որտեղ վերանորոգվել էր տեղի միջնակարգ դպրոցը։ Չնայած կատարված աշխատանքին, վարչապետը դժգոհ է մնացել մարզադահլիճի վիճակից։ «Էսքան գործն արել եք, հասել եք ստեղ, էս ի՞նչ եք արել, էլի ֆիզկուլտուրայի վրա խնայում եք»,- նկատողություն է արել նա շինարարներին։

Բացի այդ, Փաշինյանը հետաքրքրվել է ֆուտբոլային դաշտով ու հաշվով՝ կատակելով, թե ուզում են մի «սիրուն գոլ» տեսնեն ու գնան։ Վարչապետը շեշտել է, որ չնայած թերություններին, դաշտը շատ լավն է։