Լուրեր
Թրամփի վերջնաժամկետը Իրանին. Աշխարհը շունչը պահած սպասում է առավոտյան 4-ին
ԱՄՆ նախագահը սպառնում է «ջնջել» իրանական քաղաքակրթությունը, եթե Հորմուզի նեղուցը չբացվի:
Today News
7.04.2026 18:46
Իրավիճակը Մերձավոր Արևելքում հասել է պայթյունավտանգ կետի։ Ընդամենը մի քանի ժամից՝ առավոտյան ժամը 04:00-ին, լրանում է ԱՄՆ նախագահ Դոնալդ Թրամփի տված վերջնաժամկետը Իրանին։ Թրամփը պահանջում է անհապաղ բացել Հորմուզի նեղուցը, հակառակ դեպքում սպառնացել է Իրանին հասցնել «քարի դար» և ոչնչացնել հնագույն քաղաքակրթությունը։
Այս հայտարարությունները լուրջ իրարանցում են առաջացրել միջազգային հարթակում։ ՄԱԿ-ի գլխավոր քարտուղար Անտոնիու Գուտերեշը խորը մտահոգություն է հայտնել՝ շեշտելով, որ որևէ ռազմական նպատակ չի կարող արդարացնել մի ամբողջ հասարակության ոչնչացումը։
Իր հերթին Թուրքիայի նախագահ Ռեջեփ Էրդողանը հայտարարել է, որ թեև համաձայն չէ Իրանի տարածաշրջանային քաղաքականության հետ, բայց դեմ է Իրանի լիակատար ոչնչացմանն ուղղված գործողություններին։ Աշխարհն այժմ սպասում է, թե ինչ տեղի կունենա վերջնաժամկետի լրանալուց հետո։
Աղբյուր՝ RadarARM, tertammedia
Share:
