Լոս Անջելեսի առանձնատան փողերը կվերադարձվեն Հայաստան. Դատախազի ու ԱՄՆ ներկայացուցչի հանդիպումը

ՀՀ գլխավոր դատախազ Աննա Վարդապետյանն այսօր ընդունել է ԱՄՆ գործերի ժամանակավոր հավատարմատար Դեյվիդ Ալենին։ Հանդիպման առանցքում ֆինանսների նախկին նախարար Գագիկ Խաչատրյանի ընտանիքին պատկանող՝ Լոս Անջելեսում գտնվող առանձնատան վաճառքի գործն էր։

ԱՄՆ դատարանի որոշմամբ հաստատվել է, որ այդ գույքը հանցավոր ծագում ունի։ Այժմ քննարկվում են վաճառքից ստացված գումարների գերակշիռ մասը Հայաստանին վերադարձնելու կոնկրետ ժամկետներն ու ընթացակարգը։ Սա երկու երկրների իրավապահ մարմինների արդյունավետ համագործակցության հերթական օրինակն է։