Լուրեր
Թրամփը հայտարարեց Իրանի հետ երկշաբաթյա հրադադարի մասին. ի՞նչ է սպասվում
ԱՄՆ-ն ու Իրանը մոտ են վերջնական խաղաղության պայմանագրին, իսկ նավթի գներն արդեն սկսել են նվազել։
Today News
8.04.2026 04:00
Աշխարհը շունչը պահած հետևում է Մերձավոր Արևելքում տեղի ունեցող շրջադարձային իրադարձություններին։ ԱՄՆ նախագահ Դոնալդ Թրամփը հայտարարել է Իրանի դեմ ռազմական գործողությունները երկու շաբաթով դադարեցնելու մասին։ Այս որոշումը կայացվել է Պակիստանի միջնորդությամբ՝ Իրանի կողմից Հորմուզի նեղուցը լիարժեք ու անվտանգ բացելու պայմանով։
«Մենք արդեն հասել ու գերազանցել ենք մեր բոլոր ռազմական նպատակները»,- նշել է Թրամփը՝ հավելելով, որ կողմերը գտնվում են երկարաժամկետ խաղաղության համաձայնագրի մշակման շատ առաջադեմ փուլում։ Իրանն արդեն ներկայացրել է 10 կետից բաղկացած առաջարկ, որն ամերիկյան կողմն ընդունելի է համարել բանակցությունների համար։
Այս լուրերի ֆոնին նավթի համաշխարհային գները սկսել են նվազել։ Չնայած Իրանի Գերագույն խորհուրդը հայտարարում է, որ ունեն իրենց սեփական ծրագիրը և մերժել են թշնամու պլանները, ակնհայտ է, որ լարվածությունը թուլանում է։ Թրամփի խոսքով՝ երկու շաբաթը բավարար կլինի վերջնական համաձայնագիրը կնքելու համար։
Աղբյուր՝ armgeopolitic, arajinTV, twentyfournews
Share:
