Թրամփը գործի անցավ. ԱՄՆ-ն շրջափակում է Իրանի նավահանգիստները

Այսօր՝ ապրիլի 13-ին, Երևանի ժամանակով առավոտյան 10:00-ից Միացյալ Նահանգները սկսում է Իրանի նավահանգիստների ամբողջական շրջափակումը։ Այս մասին հայտարարել է Դոնալդ Թրամփը իր սոցցանցային էջերում։

Ըստ Wall Street Journal-ի տվյալների՝ բանակցությունների ձախողումից հետո Սպիտակ տունը քննարկում է նաև Իրանի ուղղությամբ սահմանափակ օդային հարվածներ հասցնելու հնարավորությունը։ Սա նշանակում է, որ տարածաշրջանում իրավիճակը կարող է ցանկացած պահի դուրս գալ վերահսկողությունից։ Փորձագետները նշում են, որ սա Թրամփի կողմից ամենակոշտ քայլերից մեկն է վերջին շրջանում։