«Շունչը կտրվում է, չի կարողանում խոսել». Մադաթ Բաբայանի վիճակը Բաքվի բանտում վատացել է

Բաքվում 19 տարվա ազատազրկման դատապարտված Մադաթ Բաբայանի առողջական վիճակը մտահոգիչ է։ Նրա որդին «Ազատության» հետ զրույցում պատմել է, որ հայրը դժվարությամբ է խոսում և շնչառական լուրջ խնդիրներ ունի։

«Երեկ էր զանգել, իր առողջական վիճակը շատ վատ էր, չէր կարողանում խոսել: Ասում է՝ կոկորդս ինչ-որ բան կա, խանգարում է, շունչս կտրվում է»,- նշել է որդին՝ հավելելով, որ այս խնդիրն առաջացել է մոտ մեկ տարի առաջ, և կասկածներ կան, որ դա կարող է ուռուցք լինել։

Հիշեցնենք, որ այսօր Բաքվի դատարանը հրապարակել է Արցախի ռազմաքաղաքական ղեկավարության և այլ քաղաքացիների դեմ շինծու գործերով դատավճիռները, որոնց թվում է նաև Մադաթ Բաբայանը: