Իրատեսական օրակարգ, թե՞ «ռազմահայրենասիրություն». ինչ են առաջարկում ընդդիմադիրները

Հայաստանի քաղաքական դաշտում քննարկվում է ընդդիմադիր ուժերի նախընտրական մարտավարությունը։ Ի հեճուկս տարածվող լուրերի, թե ընդդիմությունը հանդես է գալիս «ռազմահայրենասիրական» իռացիոնալ կոչերով, իրականությունը փոքր-ինչ այլ է։

Օրինակ՝ Սամվել Կարապետյանը, ով հավակնում է ընդդիմության առաջատարի դերին, գերազանցապես խոսում է սոցիալ-տնտեսական խնդիրներից և խաղաղության կարևորությունից։ Նույնիսկ Ռոբերտ Քոչարյանն է հայտարարել, որ այժմ իրատեսական է համարում միայն արցախցիների վերադարձի իրավունքի պաշտպանությունը։ Փորձագետների կարծիքով՝ ընդդիմությանը «իռացիոնալ» ներկայացնելը հանրային կարծիքի հետ խաղալու փորձ է։