«Իսկապես լավ առաջնորդներ են». Թրամփը գովել է Փաշինյանին ու Ալիևին

ԱՄՆ նախագահ Դոնալդ Թրամփը Վաշինգտոնում կայացած Ազգային աղոթքի նախաճաշի ժամանակ անդրադարձել է Հայաստանի ու Ադրբեջանի հարաբերություններին։ Նա Նիկոլ Փաշինյանին և Իլհամ Ալիևին անվանել է «իսկապես լավ առաջնորդներ»։

Թրամփը կրկին հիշեցրել է իր դերը միջազգային հակամարտությունների կարգավորման գործում՝ նշելով, որ հարթել է կատաղի պատերազմները տարբեր երկրների, այդ թվում՝ Հայաստանի ու Ադրբեջանի միջև։ Խոսելով Վաշինգտոնի գագաթնաժողովի մասին՝ նա ընդգծել է. «Նրանք երկար տարիներ պայքարում էին, բայց մենք շատ արագ կարգավորեցինք ամեն ինչ»։