«Սա ցավալի է ու շինծու». Էջմիածինն արձագանքել է Բաքվի դատավճիռներին

Մայր Աթոռ Սուրբ Էջմիածինը խորը ցավով ու վրդովմունքով է ընդունել Բաքվի բանտերում ապօրինաբար պահվող Արցախի ռազմաքաղաքական ղեկավարության նկատմամբ կայացված շինծու դատավճիռները:

«Մայր Աթոռը վերահաստատում է իր հանձնառությունը՝ աշխարհասփյուռ իր կառույցներով շարունակելու հետևողական ջանքեր գործադրել միջազգային և միջեկեղեցական հարթակներում»,- ասված է պաշտոնական հայտարարության մեջ:

Եկեղեցին իր զորակցությունն է հայտնել բոլոր պատանդառված պետական գործիչներին, ռազմագերիներին և նրանց ընտանիքներին՝ շեշտելով, որ չի դադարելու աշխատել նրանց տուն վերադարձնելու ուղղությամբ: