«Սա Նիկոլի մրցանակի գինն է». Արթուր Խաչատրյանը՝ Բաքվի դատավճիռների մասին

ԱԺ «Հայաստան» խմբակցության պատգամավոր Արթուր Խաչատրյանը խիստ քննադատության է ենթարկել Բաքվում Արցախի ղեկավարությանը ցմահ դատապարտելու փաստը։ Ըստ նրա՝ սա այն «թանկ» գինն է, որը հայ ժողովուրդը վճարում է Նիկոլ Փաշինյանի ստացած միջազգային մրցանակների համար։

«Վաղը կունենանք Բաքվի պատվերով գրած նոր սահմանադրություն ու լայն միջանցք, փոխարենը կարող է մի կանիստր բենզին կամ մի բուռ ցորեն ստանանք»,- ասել է պատգամավորը։

Նրա խոսքով՝ այս դատավճիռները ոչ թե իրավական, այլ քաղաքական առևտրի հետևանք են, որի պատասխանատվությունն ամբողջությամբ կրում է գործող իշխանությունը։ Ըստ շրջանառվող տեսակետների՝ մեր եղբայրների ցմահ ազատազրկումը «Սաուդյան Արաբիայում մրցանակ ստացողների պարանոցին է»։