Լուրեր
Ռոբերտ Քոչարյան. «Սեփական մեղքերը ուրիշի գրպանը գցելը պարզապես աբսուրդ է»
Երկրորդ նախագահը խոսել է Արցախի ինքնորոշման, Փաշինյանի ստերի ու դիվանագիտական «խաղերի» մասին:
Today News
8.04.2026 16:45
Հայաստանի երկրորդ նախագահ Ռոբերտ Քոչարյանը «Մեծ քաղաքականություն» փոդքասթի ժամանակ անդրադարձել է Նիկոլ Փաշինյանի վերջին հայտարարություններին ու Արցախի հարցին։ Ըստ Քոչարյանի՝ թեև որևէ երկիր պաշտոնապես չէր ճանաչել Արցախի անկախությունը, բայց Մինսկի խմբի համանախագահները՝ Ռուսաստանը, Ֆրանսիան ու ԱՄՆ-ն, միշտ ընդունել են ժողովրդի ինքնորոշման իրավունքը։
«Ասել Ռուսաստանին՝ դու ճանաչել ես, ես էլ եմ ճանաչել՝ լրիվ աբսուրդային իրավիճակ է։ Սա սեփական մեղքերը ուրիշների գրպանը գցել է»,- նշել է նախագահը։
Քոչարյանը նաև շեշտել է, որ միջպետական հարաբերություններում սուտն արագ է բացահայտվում։ Նա պատմել է իր փորձից՝ նշելով, որ եթե գործընկերոջը «չես գցում» ու հինգ անգամ կարծիքդ չես փոխում, հարաբերությունները փայլուն են լինում։ Ըստ նրա՝ ինքը միշտ եղել է կոշտ բանակցող, բայց կայուն գործընկեր թե՛ ԱՄՆ-ի, թե՛ Ֆրանսիայի համար։
Աղբյուր՝ tertammedia, YerevanTodaynews
Share:
