Պրոշյանի կոնյակի գործարանի շուրջ աղմուկը. ՊԵԿ նախագահը պարզաբանում է

Պետական եկամուտների կոմիտեի նախագահ Էդուարդ Հակոբյանն անդրադարձել է «Պրոշյանի կոնյակի գործարանի» լիցենզիայի հնարավոր չեղարկման մասին լուրերին։ Նրա ձևակերպմամբ՝ հայկական ընկերություններից ռուսական շուկա արտահանման հետ կապված պաշտոնական բողոքներ չեն ստացվել։

«Պահանջները երբեմն խստանում են, երբեմն՝ մեղմանում»,- նշել է Հակոբյանը՝ հավելելով, որ արտադրողները պետք է հետևեն սահմանված չափանիշներին։ Ըստ պաշտոնյայի՝ մաքսային ծառայությունը մշտական կապի մեջ է ռուս գործընկերների հետ, սակայն եթե կան ֆիտոսանիտարական նորմերի խախտումներ, պետությունը չի կարող պաշտպանել տնտեսվարողին։