Փաշինյանի անվտանգությունն ապահովող ոստիկանների ավտոբուսը վթարի է ենթարկվել

Այսօր առավոտյան ցավալի վթար է տեղի ունեցել։ ՆԳՆ ոստիկանության զորքերի ավտոբուսը, որի մեջ եղած ոստիկանները պետք է ապահովեին Լոռու մարզ մեկնող Նիկոլ Փաշինյանի անվտանգությունը, վթարի է ենթարկվել։

Չնայած պաշտոնական աղբյուրները փորձում են դեպքը ներկայացնել այնպես, որ այն կապ չունի վարչապետի այցի հետ, սակայն դեպքի վայրից հայտնում են, որ ավտոբուսը հենց «ուրախ ավտոբուսի» ուղևորների և ՔՊ-ականների անվտանգության համար էր մեկնում մարզ։ Հատկանշական է, որ հենց այսօր առավոտյան Փաշինյանը լայվի ժամանակ հորդորում էր վարորդներին զգույշ լինել՝ հիշեցնելով նախորդ օրվա ողբերգական դեպքերը։