Փարիզում Սփյուռքի մեծ զորաշարժ է սպասվում. ՀՅԴ-ն հավաք է հրավիրում

ՀՅ Դաշնակցության նախաձեռնությամբ Փարիզում կայանալու է կարևոր խորհրդաժողով՝ նվիրված Սփյուռքի զորաշարժին։ Հանդիպումը նպատակ ունի համախմբել հայությանը՝ դիմակայելու այն աննախադեպ մարտահրավերներին, որոնք վերջին տարիներին ցնցել են մեր ազգը։

Կազմակերպիչները նշում են, որ հիմնական նպատակը միասնական դիրքորոշում ձևավորելն է՝ ի պաշտպանություն Հայաստանի պետականության և հայկական ազգային շահերի։ Սա լինելու է հավաքական քննարկում այն մասին, թե ինչպես կարելի է հզորացնել Սփյուռքի դերը Հայ դատի հետապնդման հարցում։