«Ոտքի՛, դուրս եկեք». Վարդան Ղուկասյանի աջակցին հեռացրեցին դատարանի դահլիճից

Վարդան Ղուկասյանի գործով դատական նիստն այսօր անցնում է բավականին թեժ ու լարված մթնոլորտում։ Հերթական միջադեպը գրանցվեց այն բանից հետո, երբ Ղուկասյանի աջակիցներից մեկը տեղից ռեպլիկ բաց թողեց՝ ասելով. «Նիկոլական լինենք»։

Այս խոսքերը հունից հանեցին նիստը նախագահողին, ով անմիջապես կարգադրեց. «Ոտքի՛, դուրս եկեք»։ Աջակցին հեռացրեցին դահլիճից, սակայն կրքերը չեն հանդարտվում։ Կողմերի միջև վեճ է բռնկվել նաև ներկայացված փաստաթղթերի որակման շուրջ, ինչի հետևանքով նիստն անընդհատ ընդհատվում է։