Իսրայելը Թուրքիային նոր թշնամի՞ է սարքում. Հաքան Ֆիդանի աղմկոտ հայտարարությունը

Թուրքիայի արտգործնախարար Հաքան Ֆիդանը հանդես է եկել սենսացիոն հայտարարությամբ։ Նրա պնդմամբ՝ Իսրայելը, Իրանի հետ հարաբերությունների սրումից հետո, հիմա էլ փորձում է Թուրքիային դարձնել իր «նոր թշնամին»։

«Մենք տեսնում ենք, որ նրանք փնտրում են Թուրքիային որպես նոր թշնամի հայտարարելու հնարավորություն»,- ասել է Ֆիդանը։ Նրա խոսքով՝ այս միտումը նկատվում է ոչ միայն վարչապետ Նեթանյահուի, այլև իսրայելական ընդդիմության որոշ շրջանակներում։ Ֆիդանը շեշտել է, որ Իսրայելը պարզապես չի կարող գոյատևել առանց արտաքին թշնամիների կերպարներ ստեղծելու։