Իրավիճակը Մերձավոր Արևելքում պայթյունավտանգ է. Ռազմական հարվածներ և հրադադարի հույս

Մերձավոր Արևելքում իրավիճակը հասել է լարվածության գագաթնակետին։ Այսօր երեկոյան ԱՄՆ-ն և Իսրայելը թիրախավորել են Իրանի Արաք քաղաքում գտնվող ալյումինի գործարանը։ Միաժամանակ, հզոր պայթյունների շարք է որոտացել Պարսից ծոցի խոշորագույն քաղաքներում՝ Դոհայում, Մանամայում, Դուբայում և Աբու Դաբիում։ Ամենածանր վիճակը Բահրեյնում է, որտեղ հաղորդվում է առնվազն 50 պայթյունի մասին։

Դոնալդ Թրամփի աղմկահարույց հայտարարությունը. ԱՄՆ նախագահը լրագրողների հետ զրույցում ակնարկել է, որ հնարավոր է «մի ողջ քաղաքակրթություն անհետանա», ինչը մեծ իրարանցում է առաջացրել։ Սակայն Սպիտակ տունը շտապել է հերքել Իրանի դեմ միջուկային զենքի կիրառման հնարավորությունը։ Հռոմի պապն արդեն անընդունելի է համարել Թրամփի սպառնալիքները։

Իրանի Իսլամական հեղափոխության պահապանների կորպուրսը հանդես է եկել կոշտ հայտարարությամբ՝ սպառնալով ԱՄՆ-ին և նրա դաշնակիցներին զրկել նավթից ու գազից և դուրս մղել տարածաշրջանից։ Թրամփն էլ իր հերթին քննադատել է Իրանին՝ էլեկտրակայանների շուրջ «մարդկային վահաններ» ստեղծելու կոչերի համար՝ դա անվանելով անօրինական։

Հնարավոր հրադադար. Չնայած ռազմական գործողություններին, CNN-ը հայտնում է, որ Պակիստանի միջնորդությամբ ընթանում են բանակցություններ, և հնարավոր է՝ արդեն այս գիշեր հրադադարի մասին «լավ լուրեր» լինեն։