Իրանում իրավիճակը լարվում է. Իսրայելը կամուրջներ է պայթեցրել, Հնդկաստանը զգուշացնում է

Իրան-Իսրայել հակամարտությունը նոր ու վտանգավոր թափ է ստանում։ Իսրայելի պաշտպանության բանակը (ՑԱՀԱԼ) պաշտոնապես հայտարարել է, որ թիրախավորել ու հարվածներ է հասցրել Իրանի տարբեր շրջաններում գտնվող ութ կամուրջների։ Ըստ իսրայելական կողմի՝ այդ կամուրջներն օգտագործվում էին իրանական իշխանությունների կողմից զենք ու ռազմական տեխնիկա տեղափոխելու համար։

ՑԱՀԱԼ-ից վստահեցնում են, որ հարվածներից առաջ ձեռնարկվել են միջոցներ՝ քաղաքացիական բնակչությանը հասցվող վնասը նվազագույնի հասցնելու համար, սակայն իրավիճակը տարածաշրջանում մնում է ծայրահեղ օրհասական։

Միջազգային հանրությունը ևս տագնապած է։ Հնդկաստանի Արտաքին գործերի նախարարությունը հատուկ հորդորով դիմել է Իրանում գտնվող իր քաղաքացիներին։ Նրանց խորհուրդ է տրվել առաջիկա 48 ժամվա ընթացքում մնալ փակ տարածքներում և հատկապես հեռու մնալ էլեկտրակայաններից ու ռազմական օբյեկտներից, որոնք կարող են դառնալ հաջորդ թիրախները։