Իրան-Իսրայել լարվածությունը հասնում է գագաթնակետին. Հորմուզի նեղուցի հարցով ՄԱԿ-ում վետո է դրվել

Մերձավոր Արևելքում իրավիճակը գնալով ավելի է պայթյունավտանգ դառնում։ ՄԱԿ-ի Անվտանգության խորհուրդը չի կարողացել բանաձև ընդունել Հորմուզի նեղուցի վերաբացման վերաբերյալ, քանի որ Ռուսաստանն ու Չինաստանը վետո են կիրառել։

Միևնույն ժամանակ, Իրանի իսլամական հեղափոխության պահապանների կորպուսը (ԻՀՊԿ) հայտարարել է, որ այլևս որևէ սահմանափակում չի լինելու թիրախներ ընտրելիս։ Նրանք նշել են, որ մինչ այժմ զսպվածություն են ցուցաբերել, բայց այսուհետ պատասխան գործողությունների համար արգելքներ չկան։

Իրանցիներն էլ մասսայաբար հավաքվում են կամուրջների ու էլեկտրակայանների մոտ՝ փորձելով պաշտպանել ռազմավարական օբյեկտները հնարավոր հարձակումներից։ Տարածաշրջանում սպասողական ու տագնապալի վիճակ է։