Լուրեր
Իրան-ԱՄՆ բանակցությունները տապալվե՞լ են. Վենսն ու Թեհրանը հակասական լուրեր են հայտնում
Վաշինգտոնն ասում է՝ Իրանը մերժել է առաջարկները, իսկ Թեհրանը խոսում է մասնակի փոխըմբռնման մասին։
Today News
12.04.2026 04:45
Իրանի ու Միացյալ Նահանգների միջև բանակցությունները նոր թափ են ստացել, բայց կարծես թե վերջնական արդյունքի դեռ չեն հասել։ Իրանի ԱԳՆ-ն հայտարարում է, որ մի շարք հարցերում կա փոխըմբռնում, բայց երկու-երեք առանցքային թեմաներ դեռ մնում են օդից կախված։
Մյուս կողմից, իրանական Tasnim գործակալությունը հաստատում է, որ այս փուլն ավարտվել է առանց որևէ կոնկրետ համաձայնության, ու հաջորդ հանդիպման ժամանակն էլ դեռ պարզ չէ։
Իսկ ահա ԱՄՆ փոխնախագահ Վենսն ավելի կոշտ է արտահայտվել։ Նա ասել է, որ Իրանը պարզապես մերժել է իրենց առաջարկները, ու իրենք Վաշինգտոն են վերադառնում դատարկաձեռն։ Ըստ Վենսի՝ սա առաջին հերթին հենց Իրանի համար է վատ լինելու, քանի որ հնարավորությունը բաց են թողել։
Աղբյուր՝ twentyfournews
Share:
