Աշոտյանը Փաշինյանին ու Օրբանին «spin dictator» է անվանել. ի՞նչ է սա նշանակում

ՀՀԿ փոխնախագահ Արմեն Աշոտյանը հերթական սուր հայտարարությունն է արել Նիկոլ Փաշինյանի հասցեին։ Նա զուգահեռներ է անցկացրել Հայաստանի վարչապետի և Հունգարիայի առաջնորդ Վիկտոր Օրբանի միջև։

Ըստ Աշոտյանի՝ երկուսն էլ ամբողջովին տեղավորվում են ժամանակակից քաղաքագիտության մեջ հայտնի «spin dictator» (մանիպուլյատիվ դիկտատոր) եզրույթի մեջ։ Այս տերմինը սովորաբար օգտագործվում է այն առաջնորդների համար, ովքեր ժողովրդավարական ինստիտուտների քողի տակ օգտագործում են տեղեկատվական տեխնոլոգիաներն ու մանիպուլյացիաները՝ իշխանությունը պահելու համար։