Լուրեր
Իրան-ԱՄՆ բանակցություններ Իսլամաբադում. ինքնաթիռի նստարաններին զոհված երեխաների նկարներն են
Իրանական պատվիրակությունը Պակիստան է ժամանել խորհրդանշական քայլով, մինչդեռ Վաշինգտոնը հերքում է ակտիվների ապասառեցումը
Today News
11.04.2026 11:15
Պակիստանի մայրաքաղաք Իսլամաբադում այսօր սպասվում են իրանական և ամերիկյան պատվիրակությունների բանակցությունները։ ԱՄՆ փոխնախագահ Ջեյ Դի Վենսն արդեն հանդիպել է Պակիստանի վարչապետ Մուհամմադ Շեհբազ Շարիֆի հետ։
Ուշագրավ է իրանական պատվիրակության ժամանումը. Իրանի խորհրդարանի նախագահ Ղալիբաֆը ցույց է տվել, որ ինքնաթիռի նստատեղերին տեղադրված են եղել ԱՄՆ-ի և Իսրայելի հարվածներից զոհված դպրոցականների լուսանկարներն ու անձնական իրերը։ «Այս թռիչքի իմ ուղեկիցները»,- գրել է նա։
Միևնույն ժամանակ, CBS News-ը հայտնում է, որ Վաշինգտոնը հերքում է իրանական որևէ ակտիվի ապասառեցման հավանությունը, ինչը բանակցություններից առաջ բավականին լարված ֆոն է ստեղծում։
Աղբյուր՝ MakaryanVahe, arajinTV
Share: