«Ինձ փորձում են լռեցնել շանտաժով». ակտիվիստ Արթուր Չախոյանի աղմկահարույց հայտարարությունը

Հայտնի ակտիվիստ Արթուր Չախոյանը հայտարարել է, որ իրեն փորձում են լռեցնել շանտաժի միջոցով։ Չախոյանի խոսքով՝ ինքը բոլոր ապացույցներն ու տեսանյութերը ներկայացրել է ոստիկանությանը, որտեղ հստակ երևում են իր վրա հարձակվածների դեմքերը։

«Ինձ վրա հարձակված մարդիկ ոստիկանության համար հանկարծ դարձան անհայտ անձինք»,- նշել է ակտիվիստը։ Նա համոզված է, որ սա ուղղորդված գործընթաց է՝ իրեն վախեցնելու և քաղաքական ակտիվությունը կոտրելու համար։

Չախոյանը պնդում է, որ չի պատրաստվում լռել և շարունակելու է բացահայտել այն ապօրինությունները, որոնք տեղի են ունենում քաղաքում, անկախ իշխանությունների կողմից իրականացվող ճնշումներից։