«Դուք ամեն օր հրաշք եք գործում». Հայր Ռուբենի շնորհավորանքը կանանց

Այսօր Հայաստանում նշվում է Մայրության և գեղեցկության տոնը։ Այս առթիվ Հայր Ռուբենը հանդես է եկել հուզիչ ուղերձով՝ նշելով, որ այս տոնը ոչ միայն շնորհավորանքի, այլև մեծ երախտագիտության առիթ է։

«Սիրելի կանայք, դուք ամեն օր հնարավոր եք դարձնում կյանքի, հավատի և հույսի հրաշքը»,- ասված է ուղերձում։ Հայր Ռուբենի խոսքով՝ կանայք աշխարհին սովորեցնում են, որ իսկական զորությունը ոչ թե տիրելու, այլ նվիրվելու մեջ է։ Տոնական օրվա խորհուրդը ևս մեկ անգամ հիշեցնում է մայրական սիրո և նվիրումի անգնահատելի դերի մասին մեր հասարակության մեջ։