Բերման են ենթարկել նորածին երեխա ունեցող Գոհար Ղումաշյանին. փաստաբանները ահազանգում են

Իրավապահները բերման են ենթարկել «Ուժեղ Հայաստան» կուսակցության անդամ Գոհար Ղումաշյանին։ Այս մասին Հակակոռուպցիոն դատարանի մոտ հայտարարեց փաստաբան Արամ Վարդևանյանը՝ նշելով, որ տեղի ունեցածը զարմանալի է, քանի որ հաշվի չի առնվել կնոջ՝ նորածին երեխա ունենալու հանգամանքը։

Փաստաբանների փոխանցմամբ՝ Ղումաշյանին բերման են ենթարկել «բարեգործության արգելքի» հիմքով։ Քաղաքական մեկնաբանների ու կողմնակիցների պնդմամբ՝ սա հերթական քաղաքական միջոցառումն է, որի նպատակը թիմին վնասելն է։

Նարեկ Կարապետյանի խոսքով՝ սա վարչապետ Փաշինյանի «խուճապի հերթական դրսևորումն է»։ Ըստ նրա՝ մեծ հանրահավաքից հետո իշխանությունները, վախեցած Սամվել Կարապետյանից, թիրախավորում են կրծքով կերակրող մորը՝ փորձելով ճնշել քաղաքական ընդդիմախոսներին։