Ալեն Սիմոնյանը Մոսկվայում ծաղիկներ է խոնարհել Անհայտ զինվորի հուշարձանին

Ռուսաստանի Դաշնությունում գտնվող ԱԺ նախագահ Ալեն Սիմոնյանի գլխավորած պատվիրակությունն այսօր այցելել է Անհայտ զինվորի հուշարձան։ Հայ պաշտոնյաները հարգանքի տուրք են մատուցել ու ծաղիկներ խոնարհել հուշահամալիրի մոտ։

Հիշեցնենք, որ Սիմոնյանը Մոսկվայում է պաշտոնական այցով, որի շրջանակներում արդեն հասցրել է հանդիպել ՌԴ ԱԳ նախարար Սերգեյ Լավրովի հետ և քննարկել երկկողմ հարաբերությունների բարդ հարցերը։ Այս այցը տեղի է ունենում հայ-ռուսական հարաբերություններում առկա որոշակի լարվածության ֆոնին, բայց արարողակարգային այս քայլերը ցույց են տալիս, որ դիվանագիտական շփումները շարունակվում են։