Լուրեր
«Ժողովուրդը չի քնել». Ազատության հրապարակում Սամվել Կարապետյանի կողմնակիցները հանրահավաք են անում
Նարեկ Կարապետյանը խոստանում է 300,000 նոր աշխատատեղ ու կտրուկ փոփոխություններ երկրում։
Today News
11.04.2026 14:45
Այսօր Ազատության հրապարակում բավականին թեժ է։ «Ուժեղ Հայաստան» կուսակցության խորհրդի անդամ Նարեկ Կարապետյանը հանրահավաքի ժամանակ հայտարարել է, որ հայ ազգը չի քնել ու թույլ չի տալու, որ իր հաշվին ինչ ուզեն՝ անեն։ «Մեր երկրին պետք են աշխատատեղեր, որպեսզի մարդիկ չգնան օտար երկրներ, մեր երկիրը ունենալու է 300,000 նոր աշխատատեղ»,- նշել է նա։
Կարապետյանը շեշտել է, որ մարդիկ պետք է հստակ ընտրություն կատարեն՝ կա՛մ փոփոխություններ Սամվել Կարապետյանի հետ, կա՛մ էլ շարունակական լճացում, աղքատություն ու վախ հարևաններից՝ Նիկոլ Փաշինյանի իշխանության օրոք։ Հանրահավաքի ընթացքում անդրադարձ է եղել նաև հարևան երկրների փորձին, որտեղ բարձրագույն կրթությունն արդեն անվճար է դարձել, ինչը ևս մեկ անգամ ընդգծում է Հայաստանում բարեփոխումների անհրաժեշտությունը։
«Քեզ թուլություն չի՛ սազում, հայ ազգ, չենք համակերպվելու»,- եզրափակել է բանախոսը՝ կոչ անելով չհանձնվել ու տեր կանգնել սեփական ապագային։
Աղբյուր՝ twentyfournews, tertammedia
Share:
