Վեհափառ Հայրապետը մտահոգված է. «Ազգային պառակտումն ու ատելությունը վտանգավոր են»

Ամենայն Հայոց Կաթողիկոս Ն.Ս.Օ.Տ.Տ. Գարեգին Երկրորդն իր ուղերձում անդրադարձել է մեր երկրում տիրող ներքին լարվածությանը։ Վեհափառի խոսքով՝ խորը մտահոգության առիթ է տալիս ազգային կառույցների թիրախավորումն ու ատելության սերմանումը։

«Թույլ ու խոցելի կլինի Սփյուռքը առանց հզոր և պայծառ հայոց պետության»,- նշել է Կաթողիկոսը՝ շեշտելով, որ եկեղեցու և բոլոր ազգային կազմակերպությունների նպատակը պետք է լինի հայրենիքի անվտանգությունն ու ազգային ինքնության պահպանումը։ Նա կոչ է արել վերականգնել Հայաստան-Սփյուռք խաթարված հարաբերությունները և միավորվել մեկ ընդհանուր նպատակի շուրջ։