Վեհափառ. Եկեղեցին թիրախավորված է իշխանության կողմից

Ամենայն Հայոց Կաթողիկոսը խիստ մտահոգություն է հայտնել երկրում ստեղծված իրավիճակի վերաբերյալ։ Ըստ Վեհափառի՝ իշխանության ներկայացուցիչները բացահայտ թիրախավորել են Հայ Առաքելական Եկեղեցին, ինչն անընդունելի է։

«Հերթական հակասահմանադրական քայլին ականատես եղանք»,- նշել է Կաթողիկոսը՝ անդրադառնալով իշխող քաղաքական ուժի նախընտրական ծրագրին։ Նրա խոսքով՝ այդ ծրագրում ներառված են Եկեղեցուն վերաբերող մերժելի դրույթներ, որոնք հակասում են երկրի մայր օրենքին։

Եկեղեցու և պետության միջև լարվածությունը նոր փուլ է մտնում, քանի որ հոգևոր առաջնորդը շեշտում է՝ սա պարզապես քաղաքականություն չէ, այլ ազգային արժեքների դեմ ուղղված քայլ։